‘This iSkwela’ libreng online learning nga komunidad para sa tanan gipaila sa Globe
Usa ka libreng online learning community nga bukas sa tanan ang gihatag sa Globe. Kini ang "This iSkwela" ng ma-access pinaagi sa social media platform Facebook.
Ang This iSkwela Facebook Community nagsilbi nga usa ka virtual classroom. Bukas kini sa tanan, bata o tigulang, estudyante, propesyonal, o bisan kinsa nga interesado sa pagkat-on sa online nga komunidad.
Pinaagi niini, ang mga miyembro mahimong makahimamat ug makaila ang dugang nga mga higala, makaangkon ug impormasyon, makapauswag sa ilang mga kahanas, makapaambit sa kahibalo, ug makadani ug makahuluganon nga panag-istoryahanay.
Ang This iSkwela adunay mga eksperto sa lain-laing mga subject aron mutabang sa community members.
Kini sila si Angelo Sicat, usa ka magtutudlo ug Tiktok content creator alang sa practical ug easy-to-digest English language learning topics; Immanuel Maglasang, ang nagpaluyo sa online channel Science Kwela; Cipriano Romeral, Jr., usa ka eksperto sa math ug nipahigayon na ug lectures alang sa Licensure Examination for Teachers (LET) ug Teacher Maureen Madiano, usa ka lisensyadong magtutudlo ug content creator, nga motudlo ug English ug Filipino lessons sa nagkadaiyang social media platforms.
“With more people joining and participating in online communities, Globe aims to build an inclusive social hub that serves as an alternative learning community for anyone who wants to do lifelong learning,” matud pa ni Yoly Crisanto, Globe’s Chief Sustainability Officer ug SVP for Corporate Communications.
Nagtuo ang Globe nga ang This isKwela tukma sa panahon karon hilabina nga ang katawhan nadawat na ang mga bag-ong pamaagi bahin sa “new normal”. Ang This iSkwela kabahin sa GoLearn, usa ka unified, Globe-wide platform nga ang tinguha mao ang pagtabang sa nasod makab-ot ang 21st Century Learning.
Gipasiugda sa GoLearn ang padayon nga pagkat-on ug dugang nga pagdugtong sa mga digital nga kal-ang sa talan-awon sa edukasyon sa Pilipinas pinaagi sa pag-access sa koneksyon, mga platform sa pagkat-on, ug lainlaing mga solusyon. Sa mga interesado muapil niini nga online community, mamahimong mubisita lamang sa https://www.facebook.com/groups/thisiskwela.
Ang Globe padayon nga nisuporta sa United Nations Sustainable Development Goals, hilabina ang UN SDG No. 4, nga nisiguro sa inclusive ug equitable nga kalidad sa edukasyon ug nipromote sa lifelong learning opportunities sa tanan. Ang kompaniya nipasalig nga suportahan ang United Nations Global Compact principles ug 10 UN SDGs.
Alang sa dugang kasayuran, bisitaha ang www.globe.com.ph.
